بلوك 1

 

بلوك 2

 

بلوك 3

 

بلوك 4

 

بلوك 5

 

أخبار مصرية - أديب: هؤلاء من قصدهم السيسي بتهديداته أمس

 

 

أخبار مصرية - أديب: هؤلاء من قصدهم السيسي بتهديداته أمس
أخبار مصرية - أديب: هؤلاء من قصدهم السيسي بتهديداته أمس

خبر - أخبار مصرية - أديب: هؤلاء من قصدهم السيسي بتهديداته أمس
تم بواسطة - شبكة مبينات الأخبارية
بتاريخ - الخميس 1 فبراير 2018 07:54 صباحاً

شبكة مبينات الأخبارية - كشف الإعلامي عمرو أديب - مقدم برنامج "كل يوم" - عن الجهة التي وجه لها الرئيس عبد الفتاح السيسي خطابه الغاضب أمس .

وقال "أديب" في برنامجه المذاع على قناة "ON E T" : "هو لما المعارضة تقول كلام .. مينفعش الرئيس يطلع يرد؟ .. انتوا بتتكلموا عن حياة ديمقراطية .. يعني مثلا في أمريكا بيطلع الرئيس ترامب يرد على كلام المعارضين في تويتر .. النهاردة (أمس) احنا شهدنا فصل سياسي جديد في مصر وبدعي إن أنا ليا السبق إني أقول الكلام دة .. لأول مرة رئيس الجمهورية يتحدث عن سياسيين في الداخل ".

وأضاف: "هو دائمًا كان يتحدث عن المؤامرة الخارجية والناس اللي برة والدول الأخرى والدول اللي بتتآمر عليه .. يعني كان واضحًا .. ومحدش يحاول يقول إنه مش واخد باله .. الريس كان بيرد على المعارضة المصرية .. وكان بيرد على حاجات اتقالت امبارح (أول أمس) .. والأسبوع اللي قبليه .. والرئيس كان كلامه واضح جدًا .. إن هو عنده تحفظات على الكلام اللي بيتقال وهو من حقه إنه يرد ويقول .. ومستغرب جدًا إن كتير من المعارضة بتسأل ازاي الريس بيتكلم كدة؟ .. ما كل واحد حر يتكلم .. يعني الريس يقول اللي هو عايزه وأنت تقول اللي أنت عايزه .. اشمعنى أنت تقول إن دة نظام قمعي وفاشل .. أنت حر تقول اللي عايزه .. النهاردة الريس بيقول رأيه هو كمان .. الريس كان بيقول أهلا بك معارضًا ومعبرًا لكن لو سمحت أنا عايز أقول لحضرتك حاجة إن أنا مش هسمح باللي حصل من 7 سنين يتكرر تاني .. مش هسمح إن البلد كلها تنزل في الشارع وأنت تقولي تعالى نشوف هنعمل ايه .. وأي رئيس عنده مسؤولية يجب إن هو يتصرف بهذا التصرف ".

وتابع: "الريس لما اتكلم إنه احتمال يحتاج تفويض فهو لا يقصد نزول الناس في الشوارع يعني لكنه يقصد يطلب تأييد الناس إن أنا مش عايز البلد تبقى فوضى تاني .. إنما أنت عايز تعبر عن رأي حضرتك جوة مجلس النواب أو الفيس بوك أو على تويتر .. عملت مؤتمر وقلت للناس قاطعوا الانتخابات ومحدش يروح لعبد الفتاح السيسي الانتخابات قول اللي أنت عايزه .. وعلى فكرة أنت شخصيا لو حد قرب لك أنا هطلع أقول محدش يقربله إنما الريس كان بيتكلم في جملة واضحة .. كون إن فيه ناس عايزة تستعبط ومش فاهمين الكلام اللي بيتقال .. الكلام كان واضح جدًا .. آه كان فيه حدة وعنف شديدين جدًا .. هو ميقصدش يمنع الربيع العربي لكن بيتكلم على نزول الناس في الشوارع ونقعد نسأل (هنجيب مين بقى يا جماعة؟ طب ما نولع فيها) .. هو من حقه يقول رأيك وأنت من حقك تقول رأيك".

الفيديو:

 

 

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

 

أعلانات

 

السابق عاجل مصر - رئيس حى مصر الجديدة: جميع المقرات الانتخابية والشوارع مراقبة بالكاميرات
التالى عاجل مصر - تعرف على أهم المعلومات عن متهمى "خلية إمبابة" بعد إحالة أوراقهم إلى المفتى